ରୋଗୀଙ୍କୁ କ୍ଷୀର ଓ ଫଳ ବଣ୍ଟନ

ଟାଙ୍ଗୀ,୧୦। ୧୧(ଆପ):ଶ୍ରୀରିକୁଟିସ୍ଥିତ ସେଚ୍ଛାସେବୀ ସଂଗଠନ ଅନାଦି ପରମବ୍ରହ୍ମ ଫାଉଣ୍ଡେସନ ତରଫରୁ ଚାନ୍ଦପୁର ବସନ୍ତମଂଜରୀ ସାଧାରଣ ଚିକିତ୍ସାଳୟରେ ରୋଗୀମାନଙ୍କୁ ଫଳ ଓ କ୍ଷୀର ବଣ୍ଟାଯାଇଛି। ଚିକିତ୍ସିତ ହେଉଥିବା ଯକ୍ଷ୍ମାରୋଗୀ, ଶିଶୁ ରୋଗୀ ଓ ସାଧାରଣ ୱାର୍ଡରେ ଥିବା ପ୍ରାୟ ୧୫୦ରୁ ଅଧିକ ରୋଗୀଙ୍କୁ ଫଳ, କ୍ଷୀର ଓ ବିସ୍କୁଟ ଆଦି ସାମଗ୍ରୀ ବଣ୍ଟନ କରାଯାଇଛି।ଏହି କାର୍ଯ୍ୟକ୍ରମରେ ଫାଉଣ୍ଡେସନର ସଂପାଦକଙ୍କ ସହିତ ଚିକିତ୍ସାଳୟର ମୁଖ୍ୟ ଡ. ସୁବାସ ଚନ୍ଦ୍ର ଘଡାଉ, ଶିଶୁରୋଗ ବିଶେଷଜ୍ଞ ଡା. ପ୍ରତାପଚନ୍ଦ୍ର ଚିନରା, ଚାନ୍ଦପୁର ଥାନାଧୁକାରୀ ଜଗଦୀଶ ଚନ୍ଦ୍ର କର, ଫାଉଣ୍ଡେସନର ଉପସଭାପତି ସତ୍ୟନାରାୟଣ ମିଶ୍ର ପ୍ରମୁଖ ଅତିଥି ରୂପେ ଯୋଗଦେଇ ରୋଗୀଙ୍କୁ ଫଳ ବଣ୍ଟନ କରିଥିଲେ। ଏହି କାର୍ଯ୍ୟକ୍ରମରେ ସେଚ୍ଛାସେବୀ ପ୍ରଭାସ ନାୟକ, ମନୋରମା ବିହାରୀ, ଶ୍ରୀକାନ୍ତ ସାହୁ, ସରୋଜିନୀ ଜେନା, ସ୍ବାଗତିକା ସୁବୁଦ୍ଧି, କୌଶଲ୍ୟା ପ୍ରଧାନ ଓ ଜ୍ୟୋତିମୁଦ୍ରା ସାହୁ ପ୍ରମୁଖ ସହାୟତା କରିଥିଲେ